Документы
Добрый день, уважаемые наши подписчики!
Стихотворение А.С. Пушкина "Я помню чудное мгновенье" на черкесском языке.
Перевод Тхагапсова Увжук Аскербиевича, поэта, переводчика, члена Союза писателей и журналистов РФ.
А. С. Пушкин.
СощIэж телъыджэ напIэзыпIэр…
СощIэж телъыджэ напIэзыпIэр:
Си пащхьэм укъыщыхутащ,
Ещхьу мафIэхъыу блих теплъэгъуэм,
Ещхьу дахагъэ къэмыхъуам.
Гугъэншэ нэщхъейм сиубыдауэ,
Сыхэтми сэ даущ гусыс,
КъэIут макъ дахащэ псэм дэщIауэ,
Си пщIыхьми теплъэ гуакIуэр хэтт.
КIуащ гъэхэр. Жьапщэ къуейнэруми
Гухэлъ гъэфIар ирипхъыхьащ,
Сщыгъупщэжащ уи макъ жьгърури,
ТхьэIухуд теплъэр кIуэдыжащ.
Пхыдза кIыфIыгъэр и Iэдэжу,
Махуэ зэпишхэр зэригъэпцIт,
Тхьэи псэ хъуапси симыIэжу,
Лъагъуныгъэншэ гъащIэр нэпцIт.
Къэсащ псэм и зыкъэщIэжыгъуэр:
Аргуэру укъыкъуэкIыжащ,
Ещхьу мафIэхъыу блих теплъэгъуэм,
Ещхьу дахагъэ къэмыхъуам.
Иджы гур къоуэ нэхъ щэныфIэу,
ИкIи абы щхьэ къэхъужащ
Тхьэри псэ хъуапсэри щIэрыщIэу,
Лъагъуныгъэгуи гъащIэр хъуащ.
