Документы
Стихотворение А.С. Пушкина "Я помню чудное мгновенье" на абазинском языке. Перевод Куловой Фардаус Казибановны.
Фардаус Казибановна, заслуженный журналист Карачаево-Черкесской Республики, редактор-директор газеты «Абазашта», депутат 4 созыва Парламента (НС) КЧР, председатель Карачаево-Черкесского республиканского отделения Общероссийского общественного благотворительного фонда «Российский детский фонд».
Сгвы йтапI йджьащахъву алахъвгIахъасра
Ба бквпшыра сгIвылакI йангIарба,
Апхыз йагIвызата йсыгIвпссгIаз
Апшдзара ацкIыс йцкьу блакта.
ЙгвынгIвырам анашхыйа салапI,
ЙгвжважвагIу мтынчракI сынкъвнацитI.
Йгвахъву ббжьы сара йгьсагIахуам,
Блакта лашарагьи гьызбум.
ЙсыгIвпссгIун асквшква асрычвхIва апшта
Сыгвтара мцыраква ргауа…
ЙсхъаштылхтI зны сзырнацIуз ббжьыпшка
ЙачIвата йысзыкIкIуз блактагьи.
Йцун йымгвжважвауа са сымшква,
Йлащцару ахъазыкIра сыц…
ДыгьсмаухуазтI НчвакIгьи, йымцыран схъвыцра ,
Ладзгьи бзибарагьи гьсымхъвузтI.
БгIаншахын ба – са спсгьи гIашIыхахтI
Абар йызбахтI сызшIпсгIуз блакта ,
Апхыз йагIвызата зны йсыгIвпссгIаз
Апшдзара ацкIыс йцкьу блакта.
ЙыкшитI са сгвы гIашIас амдырхуа,
ЙпссгIитI , йгьагьаситI са спсы,
ЙбыцгIаншахтI йысчвыдзыз сгвщтIыхра –
Ладзгьи Нчвагьи йгIаншахтI са спны.
